Category: Newyddion

Rheolwr Prosiect, Project NUR

Oriau gwaith:  30 awr yr wythnos, i ganiatau gweithio’n hyblyg.

Bydd angen gweithio gyda’r hwyr, neu ar y penwythnos, yn achlysurol.   Bydd angen aros dros nos oddi cartref yn achlysurol gyda rhybydd o flaen llaw.

Cyflog dechreuol:   £32,000 – £36,000, ynghyd a lwfans car, yn ol profiad. (mae hyn yn seiliedig ar 30 awr yr wythnos)

Lleoliad:    Lleolir y swydd yn Ne Cymru, gan weithio o gartref yn bennaf neu mewn swyddfeydd a rennir yng Nghaerdydd, Abertawe, Barry neu Chasnewydd, ac ar leoliad.

Mae Ynni Teg Cyf. yn gymdeithas er budd y gymuned, wedi’i leoli yng Nghymru.  Ein prif amcan yw i ddatblygu prosiectau ynni adnewyddadwy er budd cymunedau yng Nghymru. Hafan – YnNi Teg

Ein nod yw i fod yn ddatblygwr isadeiledd ynni glan sydd yn eiddo i gymunedau ar draws Cymru, gan gyd-weithio gyda mudiadau lleol, asiantaethau cyhoeddus a phartneriaid masnachol er mwyn galluogi cymunediau i gael mwy o reolaeth ar ein ynni, er mwyn creu Cymru mwy gwydn.

Os oes ganddoch chi ddiddordeb mewn ymuno a thîm bach cyfeillgar sy’n ymrwymedig i ddarparu buddion i gymdeithas ac os ydych yn chwilio am oriau gwaith hyblyg, efallai mai dyma’r cyfle delfryol i chi.

Mae Ynni Teg yn gyflogwr cyfleoedd cyfartal. Rydym yn cefnogi amrywiaeth ac yn ymrwymedig i greu gweithle gynhwysol ar gyfer ein holl weithwyr.

Sut i wneud cais?

Os hoffech wneud cais ar gyfer y swydd hon, anfonwch eich CV ynghyd â datganiad personol [dim mwy na 2 dudalen], sy’n disgrifio eich sgiliau a phrofiadau allweddol a’r rhesymau rydych yn credu mai chi yw’r person delfrydol ar gyfer y rôl.

Anfonwch eich cais at info@ynniteg.cymru  erbyn diwedd y dydd ar ddydd Llun 27ain Gorffennaf 2026.

Disgwylir i gyfweliadau ar gyfer yr ymgeiswyr sy’n cyrraedd y rhestr fer gael eu cynnal ar y 5ed, 6ed, 11eg a 12fed Awst.

Dyma Carys, Swyddog Gweinyddol

Beth yw eich swydd yn Ynni Teg?

Fel Swyddog Gweinyddol, rwy’n darparu cefnogaeth weinyddol i Gyfarwyddwr Gweithredol y Gymdeithas, staff gweithredol a Bwrdd Ynni Teg.  Rwy’n gyfrifol am weithredu Polisi Iaith Gymraeg y Gymdeithas, ac am sicrhau bod y Gymdeithas yn cydymffurfio â’i pholisiau a gofynion rheoleiddiol cyfredol.

Rwyf hefyd yng nghlwm â chronfa Cymunedol Leol Ynni Teg ac rwy’n gyfrifol am weinyddu’r grantiau unwaith mae’r Bwrdd wedi’u cymeradwyo.

Dywedwch ychydig amdanoch chi’ch hun

Fe fues i’n gweithio ym myd teledu am sawl blwyddyn, yn HTV, BBC ac yn llawrydd i nifer o gwmnïau annibynnol.    Ar ôl gweithio gydag actorion, cyflwynwyr, cerddorion, pypedau a hyd yn oed tractor bach enwog oedd wedi’i animeiddio, penderfynais newid trywydd.    

Rwyf wedi bod a diddordeb mewn materion amgylcheddol ers blynyddoedd, ac rwy’n credu bod ynni cymunedol – y syniad o gadw buddion creu ynni yn ein cymunedau – mor bwysig, ar gyfer Cymru, ac ar gyfer dyfodol ein planed.    Rwyf wrth fy modd i allu gweithio gyda tîm arbennig i helpu gyda’r gwaith pwysig yma.

A phan nad ydych chi yn y gwaith?    

Ry’n ni newydd ddathlu blwyddyn ers i Willa, ein milgi fach, ddod i fyw gyda ni, felly gan amlaf fe fydda’i allan yn cerdded gyda hi a gweddill y teulu.    Rwyf wrth fy modd yn cwrdd â ffrindiau dros bryd o fwyd neu baned o goffi, ac rwy’n hoff iawn o ymweld a’r theatre, sinema a chyngherddau.

Diolch yn fawr iawn i Mari Arthur am ei harweinyddiaeth fel Cadeirydd YnNi Teg dros yr  blynyddoedd diwethaf.

Mae Mari wedi ysbrydoli ein tîm a rhoi hyder inni anelu’n uwch a ‘mynd amdani’. Mae ei dewrder, ei hymrwymiad a’i hangerdd dros ddod â phobl ynghyd i gymryd camau i ddiwallu eu hanghenion mewn ffordd gynaliadwy a theg wedi rhoi esiampl wych i ni, ac mae ei gweledigaeth wedi chwarae rhan hanfodol wrth helpu i sefydlu Ynni Teg fel sefydliad credadwy sy’n tyfu, ac sy’n cyflawni prosiectau ynni cymunedol ledled Cymru.

Mae Mari yn parhau i ddarparu llais cryf i gefnogi’r sector ac i sicrhau trawsnewid teg i ynni adnewyddadwy a fydd o fudd uniongyrchol i bobl Cymru.

Dymunwn yn dda iddi yn ei holl ymdrechion yn y dyfodol.

Aelodau’r Bwrdd a Thîm YnNi Teg

Rheolwr Cyllid (rhan-amser)

Lleoliad: Gweithio hybrid – o gartref, gyda phresenoldeb achlysurol mewn gweithleoedd swyddfa a rennir, neu fannau ar gyfer cyfarfod.

Cyflog dechreuol :  £18,000 sylfaenol y flwyddyn. (Cyflog amser llawn @ £45,000 yn ôl yr un gyfradd)

Cytundeb: Rhan-amser 15 awr yr wythnos, trefniadau gweithio hyblyg.

Rydym nawr yn chwilio am Reolwr Cyllid profiadol sydd â chymwysterau addas i gryfhau’r busnes.

Ydych chi’n credu mewn pŵer cymunedol ac ynni adnewyddadwy i Gymru?

Os oes gennych ddiddordeb mewn ymuno â thîm bach a chyfeillgar sydd wedi ymrwymo i ddarparu buddion cymunedol ac yn chwilio am oriau gwaith hyblyg i gyd-fynd â’ch ffordd o fyw, efallai mai dyma’r cyfle delfrydol i chi.

Rydym yn gyflogwr cyfle cyfartal. Rydym yn dathlu amrywiaeth ac wedi ymrwymo i greu amgylchedd cynhwysol i bob gweithiwr.

Pam Ymuno â ni?

· Wythnos waith hyblyg 4 diwrnod— oherwydd bod cydbwysedd rhwng bywyd a gwaith yn bwysig

· Cyfle i wneud gwir effaith wrth fynd i’r afael ag anghydraddoldeb ynni

· Rôl lle mae eich llais a’ch syniadau’n llunio dyfodol ynni cymunedol

· Bod yn rhan o dîm bach cyfeillgar a chefnogol

Os hoffech wneud cais am y swydd hon, cyflwynwch eich CV a datganiad personol [dim mwy nag 1 tudalen] yn nodi eich profiad a’ch sgiliau allweddol a’r rhesymau pam eich bod yn credu mai chi yw’r person cywir ar gyfer y rôl hon. Anfonwch y cais at carys@ynniteg.cymru.

Diwrnod cau: 5yp, Dydd Llun, 16 Chwefror 2026.

Bydd cyfweliadau ar gyfer ymgeiswyr sydd wedi cyrraedd y rhestr fer yn ystod yr wythnos sy’n dechrau 2 Mawrth.

Angen help i lunio cais?

Dyma rai templedi defnyddiol i’ch helpu i baratoi CV a llythyr egluro.

Dyma Karen, y Rheolwr Cyfathrebu ac Ymgysylltu

Beth yw eich swydd yn Ynni Teg?

Fel Rheolwr Cyfathrebu ac Ymgysylltu, dwi’n ymgysylltu â chymunedau lleol yng Nghasnewydd a Chaerdydd yn ne Cymru, gan archwilio datblygiad Gorsaf Bŵer Rithwir sy’n eiddo i’r gymuned. Mae hyn yn canolbwyntio ar gymdogaethau o amgylch mosgiau yn y dinasoedd hyn sydd â storfeydd solar a batri wedi’u gosod. Nod y prosiect yw lleihau tlodi tanwydd a mynd i’r afael â’r argyfwng hinsawdd drwy alluogi trigolion a busnesau lleol i gynhyrchu a rhannu ynni yn eu cymunedau.

Dywedwch ychydig amdanoch chi’ch hun

Symudais i Gasnewydd (de Cymru) yn 2017 ar ôl bod yn byw a gweithio ledled de a dwyrain Lloegr. Astudiais Fioleg (BSc) ym Mhrifysgol East Anglia, Rheoli’r Sector Gwirfoddol ym Mhrifysgol South Bank (PGCert), a Datblygu Cynaliadwy ar Waith ym Mhrifysgol Gorllewin Lloegr (MSc).  Ers 1998, dwi wedi gweithio’n bennaf yn y sector gwirfoddol ar atal gwastraff, cyfranogiad cymunedol, ac ynni. 

A phan nad ydych chi yn y gwaith?

Fel arfer, fe welwch chi fi’n trochi fy nwylo ar fy rhandir, yn gwerthfawrogi’r mwydod a’r peillwyr. Dwi’n mwynhau cerdded, beicio, ioga ac ymarfer myfyrdod.

2 Swyddog Prosiect – i helpu wrth ddod ag ynni glân, fforddiadwy i gymunedau dinesig.

Lleoliad: De Cymru (Caerdydd a Chasnewydd)
Oriau: Rhan amser (22.5 awr/wythnos)
Cyflog: £29,000 (Cyfwerth ag amser llawn). £19,662 yn ôl yr un gyfradd
Cytundeb: Tymor penodol hyd 28ain Chwefror 2027

Mae Ynni Teg yn arwain prosiect o ddwy flynedd i helpu i ddatblygu model newydd ar gyfer ynni cymunedol mewn ardaloedd dinesig — gan helpu aelwydydd i leihau biliau, lleihau carbon a chymryd rheolaeth ar eu hynni i’r dyfodol.

Rydym ni’n chwilio am ddau unigolyn brwdfrydig, cymdeithasgar i fod yn Swyddogion Prosiect yn ein tîm ni. Fe fyddwch chi dangos wyneb cyfeillgar i’r prosiect ar lawr gwlad — gan ymweld â chartrefi, ymgysylltu â’r trigolion, cynnig cyngor sylfaenol ynglŷn ag ynni, a’u cefnogi nhw i gymryd rhan.

Rhoddir hyfforddiant o ran rhoi cyngor ynglŷn ag ynni.

I wneud cais, anfonwch eich CV a llythyr eglurhaol yn dweud wrthym ni pam fyddech chi’n falch o gael gweithio gyda ni a pha mor addas yw eich sgiliau a’ch profiad i’r hyn yr ydym ni’n ei chwilio amdano.

Rydym yn croesawu ceisiadau gan unigolion o bob cefndir, yn enwedig y rhai sydd â dealltwriaeth gref o’r gymuned Fwslimaidd.

Gwnewch Gais Nawr
Anfonwch eich CV a llythyr eglurhaol i info@ynniteg.cymru
Dyddiad cau:  25th Gorffennaf 2025

Angen help i lunio cais?

Dyma dempledi defnyddiol i’ch helpu i baratoi CV a llythyr eglurhaol. 

Yn dilyn dyfarniad ariannu llwyddiannus Ynni Cymru y llynedd, rydym wedi bod yn brysur yn goruchwylio gosodiad technolegau adnewyddadwy mewn saith mosg ac adeilad cymunedol ledled De Cymru.

Mae prosiect Gwyrdd Bangla wedi darparu cyfuniad o:

• Gynhyrchiant trydan solar (PV)
• Storfa fatri
• Gwresogi thermol solar
• Pwyntiau gwefru cerbydau trydan (EV)

Cynlluniwyd y fenter hon i leihau allyriadau (emissions) carbon yn sylweddol, lleddfu baich ariannol costau ynni cynyddol, a chefnogi trosiad cyfiawn i ddyfodol mwy gwyrdd—wedi’i wreiddio mewn grymuso cymunedol a chydweithio.

“Mae prosiect Gwyrdd Bangla yn profi y gall gweithredu hinsawdd fod yn cael ei yrru gan y gymuned, yn gynhwysol, ac yn gysylltiedig yn ddiwylliannol” meddai Jon, Cyfarwyddwr Gweithredol Ynni Teg

Drwy integreiddio ynni adnewyddadwy i weithrediadau dyddiol yr adeiladau hanfodol hyn, mae Gwyrdd Bangla yn dangos sut y gall sefydliadau sy’n seiliedig ar ffydd arwain y ffordd ym maes stiwardiaeth amgylcheddol.

Mae grid trydan y DU o dan bwysau cynyddol, gyda chyfyngiadau capasiti yn arwain at rai prosiectau ynni adnewyddadwy yn cael cynnig dyddiadau cysylltu mor hwyr â 2030. Ac eto, mae’r angen i gyflymu cynnydd tuag at dargedau sero net yn fwy brys nag erioed.

Mae fferm solar Bwlchgwynt Ynni Teg yn enghraifft wych o osgoi blynyddoedd o aros yn llwyddiannus, gan wneud gosodiad solar (solar installation) 576kWp yn weithredol – heb fod angen uwchraddio cysylltiad grid llawn a chan gynhyrchu digon o drydan glân i bweru 500 o gartrefi.

Mae’r fferm solar hon gwerth £1 miliwn yn defnyddio capasiti grid sbâr o’n tyrbin gwynt presennol ar y safle.

Yn gynharach eleni, cafodd y safle ddifrod storm, ond yn dilyn rhaglen atgyweirio lwyddiannus, rydym yn falch o gyhoeddi bod y fferm solar bellach wedi’i chomisiynu’n llawn ac yn cynhyrchu ynni glân.

Dyma Jude, ein haelod mwyaf newydd o’r tîm

Beth yw eich rôl yn YnNi Teg?

Fel Rheolwr Datblygu, dwi’n cefnogi’r gwaith o gyflawni ein llif bresennol o brosiectau ac yn datblygu cyfleoedd newydd.  Dwi hefyd yn arwain ar ein gweithgareddau cyfathrebu. 

Dywedwch ychydig wrthym amdanoch chi

Dwi’n dod o dde Cymru, ac wedi astudio BSc ym Mhrifysgol Aberystwyth ac MA mewn Rheolaeth Amgylcheddol ym Mhrifysgol De Cymru.   Dwi wedi bod yn gweithio ar brosiectau cynaliadwy amrywiol yng Nghymru ers dros 20 mlynedd yn y sector cyhoeddus, y sector preifat a’r trydydd sector, gan gynnwys datblygu ffermydd solar ar raddfa fawr a chynllun gwres ardal.

A phan nad ydych chi yn y gwaith?

Y tu allan i’r gwaith, dwi’n mwynhau cerdded, rhoi cynnig ar grefftau newydd, a dwi’n un o sylfaenwyr clwb llyfrau lleol.  Fy hobi arall yw dechrau busnesau bach ecogyfeillgar a dwi wedi sefydlu a gwerthu sawl un.   Dwi hefyd yn caru cathod ac mae gen i ddau ohonyn nhw.