Category: Newyddion

Gall trigolion ddod yn berchen ar ran mewn tyrbin gwynt cymunedol Cymreig sydd yn cyflenwi cwsmeriaid gwyrdd Bristol Energy.

Mae YnNi Teg wedi bod yn cyflenwi cwsmeriaid Bristol Energy, sydd dan berchnogaeth y cyngor, gyda thrydan glân a gwyrdd o’n tyrbin 900kW ers yr haf diwethaf. Erbyn hyn, gwahoddir trigolion Bryste i brynu cyfranddaliadau yn y prosiect hefyd.

Er i’r llywodraeth dynnu yn ôl ei chefnogaeth i wynt ar y tir, mae gwynt dan berchnogaeth cymunedol yn parhau i gynnig cyfle ardderchog i fuddsoddi. YnNi Teg yw un o’r prosiectau gwynt ar y tir olaf yn y Deyrnas Unedig i gael ei danategu gan y Tariff Bwydo i Mewn.

Yn ddiweddar, aeth tîm o Bristol Energy i weld drostynt eu hunain sut yr oedd elw o brynu’r ynni yn helpu’r gymuned gyfagos yn Sir Gaerfyrddin. Daethant ynghyd â disgyblion ysgol gynradd gyfagos Meidrim, ysgol fechan gydag ond 22 o ddisgyblion, ar ymweliad i weld y tyrbin gwynt wrthi’n gweithio.

Fel y dywedodd Leo, disgybl 11 oed: “Yn hytrach na llygru’r aer ac achosi cynhesu byd eang, gall ynni adnewyddadwy helpu’r blaned. Bydd yn haws i anifeiliaid, i blanhigion ac i bobl barhau i fyw.”

Yn ogystal â gweithio gydag ysgolion lleol, bydd yr arian dros ben yn mynd i Ynni Cymunedol Cymru, Menter Gymdeithasol sydd yn helpu ac yn cefnogi grwpiau cymunedol ar draws Cymru i ddechrau prosiectau ynni adnewyddadwy dan berchnogaeth cymunedol.

Dywedodd Jeremy Thorp, Cyfarwyddwr, YnNi Teg: “Mae’r pŵer gwynt rydym yn ei eneradu yn Nghymru yn helpu i gyflenwi trydan glân i gwsmeriaid Bristol Energy yn barod; Gall pobl Bryste hefyd gefnogi prosiectau ynni cymunedol, fel ein prosiect ni, yn uniongyrchol drwy fuddsoddi yn ein cynnig cyfranddaliadau ac elwa deirgwaith o’u buddsoddiad: gwneud gwahaniaeth i newid hinsawdd, enillion teg o 5% yn flynyddol ar gyfartaledd,  a generadu arian ychwanegol i gefnogi prosiectau ynni cymunedol tebyg yn y dyfodol.”

Dywedodd Simon Proctor, Rheolwr Cychwyniad, Bristol Energy: fod “Bristol Energy wedi ei sefydlu er mwyn ail-fuddsoddi elw yn ôl i mewn i’r gymuned leol, felly rydym yn falch iawn i fod yn gweithio gyda phrosiectau ynni cymunedol megis YnNi Teg, sydd yn defnyddio eu helw i sefydlu cronfa ynni gymunedol, yn ogystal â chefnogi prosiectau ynni cymunedol led-led Cymru”.

“Yn diweddar, gwahoddwyd rhai o’r tîm i gymryd rhan yn rhywfaint o’r gwaith mae YnNi Teg yn ei wneud gyda’r ysgol leol. Roeddem wrth ein bodd yn ymweld ac yn cael gweld yr effaith positif mae’r prosiect yn ei gael ar y gymuned leol.”

Mae’r tyrbin yn generadu digon o drydan adnewyddadwy i fod yn gyfwerth â’r swm i bweru 650 o dai cyffredin, a diolch i’r tywydd gwyntog mae wedi bod yn generadu dipyn go lew yn uwch na’r lefelau a ragwelwyd.

I lawrlwytho ein dogfen cynnig cyfranddaliadau, cliciwch yma os gwelwch yn dda.

Fel cymhelliant arbennig, bydd pob cais ar gyfer cyfranddaliadau yn YnNi Teg fydd yn cael ei dderbyn cyn 8 Gorffennaf 2018 yn derbyn eitem sydd yn nwydd moesegol a chynaliadwy, sef pâr o drôns/nicer o ffynhonnell gan gyflenwr ‘best buy’ Ethical Consumer,  Greenfibres.com.

Yn ddiweddar, tynnodd Ethical Consumer sylw at broblemau sy’n gysylltiedig â chynhyrchu dillad, gan amlygu materion megis amgylchiadau ar gyfer gweithwyr, y defnydd o blaladdwyr, a llygredd. Mae dillad isaf yn broblem arbennig, gan ei fod yn un math o ddilledyn yr ydych angen ei brynu yn newydd, ble mae’n bosib prynu dillad allanol o siopau elusen a.y.y.b. Hyd yn hyn, mae YnNi Teg wedi ymatal rhag cynhyrchu nwyddau marchnata oherwydd, yn aml, nwyddau o’r fath yw un o’r euogion am greu sothach diangen i’w daflu i ffwrdd, ond rhoddodd yr erthygl Ethical Consumer yma y syniad i ni ar gyfer creu nwyddau marchnata moesegol, cynaliawy ac unigryw. Rydym felly wedi dod ynghyd â chyflenwr ‘best buy’ Ethical Consumer, Greenfibres, i gynhyrchu tronsiau a nicers “Pwerwyd gan y Gwynt” YnNi Teg.

Fel cymhelliant arbennig, bydd pob cais dderbyniwn cyn ddiwedd Ebrill yn gymwys am bâr o drôns/nicer YnNi Teg yn rhad ac am ddim. Rydym yn dal wrthi’n cael gafael ar y cyflenwadau ac yn trefnu’r printio, ond bydd pob cais o heddiw ymlaen yn gymwys (byddwn yn cysylltu â chi i ddarganfod eich gofynion). Mae fersiynau dynion a merched ar gael.

Byddwch, yn fuan, yn gallu prynu parau ychwanegol drwy ein gwefan ynniteg.cymru

Mae nifer o resymau dros gefnogi a dod yn aelod yn YnNi Teg, ac un o‘n hoff resymau yw’r cymorth gall ein harian dros ben ei ddarparu ar gyfer sefydliadau eraill sydd o fewn golwg i’n tyrbin.

Mae ychydig dros dri mis erbyn hyn ers i ni lansio ein cynnig cyfranddaliadau, ac yn y cyfnod hwnnw rydym wedi derbyn ceisiadau gan dri grŵp gwahanol am grant o’n cronfa gymunedol. Roedd ceisiadau y sefydliadau hyn i gyd yn llwyddiannus ac fe fyddant  yn dechrau gwaith ar eu prosiectau priodol yn ystod yr wythnosau i ddod.

Dyma ychydig o wybodaeth am bob un o’r ceisiadau rydym wedi eu cymeradwyo.

Ysgol Meidrim

Mae Ysgol Meidrim yn ysgol gynradd fechan yn Sir Gaerfyrddin gydag 20 o ddisgyblion. Cysylltodd yr ysgol ag YnNi Teg am grant i helpu tuag at adeiladu ardal ddysgu y tu allan ar gyfer ei disgyblion Cyfnod Sylfaen ac i amgáu tir ar gyfer y ‘dosbarth awyr agored’ yma, i helpu i adeiladu tŷ gwydr, ac i ddatblygu sgiliau corfforol disgyblion yn yr awyr agored.

Adeiladwyd yr ysgol dros ganrif yn ôl ac mae ganddi bedair ystafell ddosbarth, tair o’r rhain y tu mewn ac un y tu allan. Mae’r ysgol yn bwriadu defnyddio’r grant dderbyniwyd gan YnNi Teg i adeiladu dosbarth awyr agored arall, gyda mynediad uniongyrchol o ystafell ddosbarth  y Cyfnod Sylfaen, ar gyfer y disgyblion Cyfnod Sylfaen. Bydd yr ardal amgaeëdig hon yn darparu amgylchedd awyr agored fydd yn ddiogel i’r disgyblion ar gyfer astudio a chwarae.

Mae’r ysgol hefyd wedi gofyn am gymorth tuag at brynu deunyddiau i adeiladu ffrâm ar gyfer tŷ gwydr. Bydd y plant wedyn yn adeiladu’r tŷ gwydr drwy ddefnyddio deunyddiau wedi eu hailgylchu, ac yn tyfu planhigion a llysiau fydd yn cael eu gwerthu i rieni a chefnogwyr yr ysgol er mwyn helpu i ddatblygu sgiliau entrepreneuriaeth y plant.

Bydd rhan olaf y prosiect yn gweld maes chwarae yn cael ei adeiladu ar dir yr ysgol, gydag offer dringo fydd yn helpu i ddatblygu sgiliau corfforol, academaidd, cymdeithasol a datrys-problemau y plant.

Cymdeithas Gymunedol Llanwinio

Mae Cymdeithas Gymunedol Llanwinio yn cynrychioli nifer o grwpiau cymunedol ym mhlwyf Llanwinio, yn cynnwys Sefydliad y Merched, Merched y Wawr, Y Clwb Bowlio Dan Do a’r Clwb Ffermwyr Ifanc.

Mae cais Cymdeithas Gymunedol Llanwinio ar gyfer cyllid i wneud gwaith atgyweirio ar Neuadd Llanwinio, adnodd cymunedol sydd yn eiddo i’r grŵp wedi iddynt godi digon o arian yn lleol i brynu’r adeilad pan roddodd grŵp eglwys y plwyf lleol ef ar werth yn 2017.

Bydd yr atgyweiriadau i’r neuadd, sydd yn cael ei defnyddio gan nifer o wahanol grwpiau cymunedol ar gyfer amrywiaeth o ddigwyddiadau, yn cynnwys rhoi to newydd ar y gegin ac atgyweirio ac ail-addurno y mannau hynny ble mae’r gollyngiadau o’r to wedi achosi difrod y tu mewn i’r adeilad. Bydd cyfleusterau toiled i’r anabl yn cael eu hadeiladu, bydd cyfleusterau’r gegin yn cael eu hehangu i greu caffi / siop ble gall pobl alw i mewn, bydd cyfleusterau storio a swyddfa newydd yn cael eu hadeiladu, ac fe osodir band llydan ar gyfer defnydd y swyddfa a’r gymuned.

Neuadd Eglwys Meidrim

Mae’r neuadd eglwys ym Meidrim yn ased cymunedol sydd â gofodau ar gyfer perfformio a chynulleidfa, cegin a chyfleusterau toiled.

Mae systemau gwresogi a thrydanol yr adeilad yn hen ac angen eu gwella ar fyrder, fydd yn golygu ailweirio, panel dosbarthu trydan newydd, paneli gwresogi a thermostat newydd, a goleuadau newydd.

Bydd gwneud y gwaith hwn yn help i sicrhau bod yr adeilad yn cydmffurfio â rheoliadau iechyd a diogelwch ac yn gallu parhau i fod yn adnodd cymunedol gwerthfawr.

Os hoffech ddarganfod mwy am Gronfa Gymunedol YnNi Teg, cliciwch yma os gwelwch yn dda.

Rydym yn falch iawn i gyhoeddi bod YnNi Teg wedi ennill gwobr yng Ngwobrau Cynnal Cymru, 2017.

Mewn seremoni a gynhaliwyd yn y Senedd ym Mae Caerdydd ar Dachwedd 30ain, cafodd YnNi Teg eu cyflwyno gyda’r wobr am Fenter Gymdeithasol Gynaliadwy.

Roedd y seremoni wobrwyo, oedd dan arweiniad yr actor Rhodri Thomas, yn dathlu ymdrechion sefydliadau ac unigolion o amgylch Cymru sydd yn gwneud gwaith anhygoel o helpu i gyflawni cenhadaeth Cynnal Cymru o wneud Cymru yn genedl gynaliadwy.

Roedd cyfanswm o 27 yn y rownd derfynol, a’r rhestr enillwyr fel a ganlyn:

• Busnes Cynaliadwy y Flwyddyn – Griffiths
• Grŵp Cymunedol Cynaliadwy – Care Share and Give Sir Benfro
• Gwobr Prosiect Cynaliadwy Sector Gyhoeddus – Iechyd Cyhoeddus Cymru, gyda Greenstream Flooring, Rype Office Furniture ac Orangebox
• Ysgol Gynaliadwy – Ysgol Gynradd Thornhill
• Menter Gymunedol Gynaliadwy – YnNi Teg
• Adeilad / Lleoliad Cynaliadwy – Down to Earth
• Pencampwr Cynaliadwyedd – Phil Williams
• Sefydliad Addysg Uwch / Addysg Bellach Cynaliadwy – Pharmabees
• Ymarfer Cynaliadwy yn y Celfyddydau, Diwylliant a Chwaraeon – ‘It Doesn’t Have to be That Way – Breaking the Cycles of Abuse and Control’, Prifysgol Glyndŵr
• Gwobr Cydnabyddiaeth Arbennig – Nigel a Joyce Gervis, Tŷ-Mawr Lime

Mae wir yn anrhydedd i dderbyn gwobr o’r fath fri mor fuan wedi lansio YnNi Teg, ac fe hoffwn ddiolch i bawb sydd wedi cymryd yr amser i bleidleisio i ni.

 

Oeddech chi yn gwybod y gall prynu cyfranddaliadau YnNi Teg eich helpu i wrthbwyso eich hôl troed carbon o’ch defnydd trydan?

Am bob £1 yr ydych yn ei roi i mewn i gyfranddaliadau yn ein tyrbin YnNi Teg, byddwn yn generadu ychydig dros 1 kWh o drydan carbon sero y flwyddyn. Roedd cyfanswm ein costau adeiladu ychydig o dan ddwy filiwn o bunnoedd, a disgwyliwn eneradu ychydig dros ddwy filiwn o kWh y flwyddyn.

Felly, os prynwch £1000 o gyfranddaliadau, mae hynny yn cyfateb i fod yn berchen ar eich tyrbin gwynt eich hun yn cynhyrchu 1000 kWh y flwyddyn. Mae hynny tua 38,000 cwpaned o de, neu tua 1,800 o filltiroedd mewn car trydan.

Y cyfartaledd cenedlaethol am ddefnydd o drydan mewn un tŷ mewn un flwyddyn yw 3,300 kWh, ond os ydych yn darllen hwn mae’n debyg eich bod yn defnyddio trydan mewn modd mwy economaidd na’r cyfartaledd cenedlaethol. Yn dibynnu ar dreuliant eich cartref, gallasai 1000 o gyfranddaliadau ganslo allan hanner y carbon o’r trydan rydych yn ei ddefnyddio yn y cartref.

Cymerwch olwg ar eich bil trydan i ddarganfod beth yw eich treuliant blynyddol. Os byddwch yn prynu y nifer hwnnw o gyfranddaliadau yn YnNi Teg, byddwch wedi gwrthbwyso eich hôl troed carbon o’ch defnydd o drydan.

Rydym yn gwybod bod gwrthbwyso yn fater dadleuol, ond mae hynny oherwydd nad oes sicrwydd yn aml bod y cynilion carbon hynny yn mynd i ddigwydd. Ond gydag YnNi Teg, gallwch weld yn union beth mae eich arian yn ei wneud a beth y bydd yn ei wneud dros yr 20 mlynedd nesaf.

Ar ben hynny, dylech dderbyn enillion o 5%, ar gyfartaledd, ar eich cyfranddaliadau – felly, am unwaith, dewis yr opsiwn moesegol yw’r opsiwn ariannol synhwyrol hefyd!

Mae’r tyrbin wedi ei gomisiynu ers pedwar mis erbyn hyn, a’r argaeledd a’r allbwn yn edrych yn addawol hyd yn hyn. Mae’r data o’r pedwar mis yma fel a ganlyn:

[typography font=”Ubuntu” size=”14″ size_format=”px”]

mis	kWh	argaeledd	Perfformiad o’i gymharu â’r targed P50	Cyfartaledd cyflymder gwynt misol o’i gymharu â’r cyfartaledd dros 10 mlynedd (data cenedlaethol y DU)
Awst – 17	78,122	92.6%	49%	102%
Medi – 17	162,134	98.3%	94%	98%
Hydref – 17	193,137	98.6%	104%	113%
Tachwedd – 17	171,285	99.8%	86%

[/typography]

Dengys y data yma bod y tyrbin wedi cael dechrau da, bod cyfnod y problemau cychwynnol wedi bod yn un byr iawn ac mai dim ond ychydig iawn o argaeledd a gollwyd, hyd yn oed ym mis Awst, sef y mis comisiynu (comisiynwyd y tyrbin ar 2 Awst). Mae hyn hyd yn oed yn cynnwys y cyfnod yn syth wedi’r dyddiad comisiynu swyddogol pan roedd EWT yn cynnal nifer o brofion comisiynu.

Mewn newyddion arall, enillon ni y wobr am y Fenter Gymdeithasol Gynaliadwy orau yng ngwobrau Cynnal Cymru ar 30 Tachwedd. Mynychodd Rob y digwyddiad yn y Senedd yng Nghaerdydd gan gasglu y wobr i ni.

Ymwelodd Jeremy Thorp, yng nghwmni Wyn Roberts, ein asiant marchnata, a chriw ffilmio, ag ysgol gynradd ym Meidrim ar 21 Tachwedd. Cafodd yr 11 plentyn yn y dosbarth uchaf wers fer amdan y tyrbin gydag ymweliad â’r safle i ddilyn. Yn y prynhawn, cynorthwyodd Jeremy a Wyn y plant i adeiladu dau fodel o dyrbinau drwy ddefnyddio pecyn adeiladu. Roedd yr ymatebion gan y plant (a’r athrawon) yn bositif iawn.

Rydym wedi derbyn pum cais yn ymateb i’n cais am ddiddordeb ym £15,000 cychwynnol y gronfa gymunedol yr ydym yn barod i’w rannu o fewn y gymuned leol. Mae’r bwrdd wedi ymgysylltu gyda’r cyngor cymuned ym Meidrim ac wedi cytuno i benderfynu sut i rannu’r gronfa hon drwy gyd-bwyllgor yn cynnwys aelodau cyngor Meidrim ac aelodau bwrdd Ynni Teg. Rydym yn gobeithio penderfynu ar hyn yn fuan iawn er mwyn ein galluogi i rannu’r arian hwn o fewn y gymuned cyn bo hir.

Rydym wedi cynnwys opsiwn ychwanegol ar gyfer pobl sydd yn dymuno prynu cyfranddaliadau – rydym newydd ei gwneud yn bosib i rhywun brynu cyfranddaliadau yn rhodd i rhywun arall – yr anrheg moesegol perffaith. Mae dolen ar wahân ar y wefan ar gyfer hyn, a bydd y derbynnydd yn cael tocyn anrheg deniadol y gallent ei ddefnyddio i gofrestru eu haelodaeth a’u cyfranddaliadau. Byddwn yn hyrwyddo’r opsiwn yma o fewn ein sianeli marchnata amrywiol wrth arwain at y Nadolig.

Mae’r cyfanswm cyfranddaliadau bellach yn £164,750, parhewch i ddweud wrth eich cyfeillion a’ch teulu amdan y cynnig cyfranddaliadau, os gwelwch yn dda. Os ydych yn defnyddio Facebook neu Twitter, byddwn yn ddiolchgar pe buasech yn hyrwyddo ac yn rhannu ein trydaru a’n pyst Facebook.